Zilarrezko dominarekin itzuliko da Eneko Maiz

AMASA-VILLABONA 2018-10-22

Munduko pilota txapelketan lehiatu da Eneko Maiz gazte billabonatarra. Trinketean, eskuz banaka, maila handia erakutsi du txapelketan zehar. Larunbatean, finaleko partida jokatu zuen Baptiste Ducassou angeluarraren aurka. Finala galduta, zilarrezko dominarekin itzuliko da etxera.

Giro ederra Amasako Mendiduatloian

AMASA-VILLABONA 2018-10-22

Gizonen mailan, Alain Santamaria gailendu zen Amasako Mendiduatloian. Eneko Gurrutxaga amasarra izan zen bigarren. Emakumezkoen mailan, Zuriñe Frutos izan zen garaile garbi. Erreleboka, eskualdeko Enaitz Roteta eta Axier Aburuza izan ziren garaile. Ikusle kopuru polita gerturatu zen Amasara, kirol frogaz gozatzera. 67 kirolari lehiatu zen banakako frogan, eta 21 bikote ere aritu zen erreleboka.

Argazkiak

Mus txapelketa ospatu zuten ostiralean Irunberri Kultur Elkartean

ANDOAIN 2018-10-22

Urtean zeharreko kultur ekimenen barruan ospatu zuten mus txapelketa Irunberrin. Irabazleak Aitor Irastorza eta Lander Gonzalez izan ziren, eta sari gisa Irunberri tabernan afari ederra lortu zuten. Bigarren postuan Jon Irazu eta Iñigo Martinez geratu ziren, eta Kukutei harategian gastatzeko erosketa bonoa irabazi zuten.

Zizurkilgo Erraldoiak, Nafarroa aldean

ZIZURKIL 2018-10-22

Murillo El Fruto herrian izan ziren, larunbatean, Zizurkilgo Erraldoiak. Gainera, ez ziren bakarrik joan, izan ere, 50 herritar inguruz osatutako taldea gerturatu baitzen Nafarroako herrira.

Autoen slaloma ospatuko da igandean Urnietan

URNIETA 2018-10-22

Xoxoka Motor Kirol Klubak, Udalaren laguntzarekin, autoen slaloma antolatu du iganderako Erratzu industrialdean, Esnelat enpresaren aurreko aparkalekuan. 09:00etatik 10:00etara epaileek egiaztapenak egingo dituzte, eta 10:30etan hasiko dira probak. Ondorioz, ezingo dira autoak eta kamioiak aparkatu bertan urriaren 27ko 15:30etatik urriaren 29ko 09:00etara.

Joxe Arregi plazako aterpea martxan

ZIZURKIL 2018-10-22

Joxe Arregi plazako estalpea egiteko lanak hasi dira eta bi hilabetetan egitea aurreikusten da. 178.000 euroko kostua izango du aterpeak.

Bideoak
  • Gipuzkoako I. Harri Handi Txapelketa

  • Zizurkil | Elkarretaratzea, lan istripua salatzeko (adierazpenak)

  • Xoxokako Desafioa