Igandean hasiko da Aiztondo Pilota Topaketa2

AMASA-VILLABONA 2019-02-20

Aiztondo bailarako 125 neska-mutilek hartuko dute parte eskuz zein palaz ospatuko den topaketan. Igandean ekingo zaie partidei Alkizan. Astero jokatuko dira partiduak Aiztondoko herri ezberdinetan. Finalak Larraulen jokatuko dira apirilaren 13an, 16:00etatik aurrera.

Ordutegia:

EH Bilduk Aljibean eskainitako solasadia ikusgai 4

AMASA-VILLABONA 2019-02-19

Pasa den ostiralean Amasa-Villabonako EH Bilduko alkategai Beatriz Unzuek eta Gipuzkoako Ahaldun Nagusia izateko EH Bilduren hautagai Juan Karlos Izagirrek solasaldia eduki zuten Aljibean. Herritar ugari hurbildu zen solasaldira eta amaieran galderak egiteko tartea eduki zuten.

Aizkardiko kideak Abodi mendiraino igo ziren igandean7

AMASA-VILLABONA 2019-02-18

Nafarroa aldean antolatu dute otsaileko mendi irteera Aizkardikoek. Hiriberritik abiatuta, Berrendiko gailurretik (1346) eta Abodi menditik (1493m) ibili ziren. Ondoren, Otsagira jaitsi ziren, Muskildatikan pasaz. Eguraldia lagun, giro atseginean ibili ziren egun pasa.

[Argazkiak]
 

Sacem zubiko birmoldaketa lanak martxoa amaieran edo apirila hasieran hasiko dira18

AMASA-VILLABONA 2019-02-14

Oinezkoen eta trafikoen bidea banatuta egongo da zubiko birmoldaketa lanak egin ostean. Alde bakoitzean Corten altzairuzko egitura erantsiko zaio, eta egungo 5,6 metrotako zabalerari 80 zentrimeto gehituko zaizkio alde banatan. Ibilgailuentzat 3,5 metroko zabalerako galtzada lortuko da, eta oinezkoentzat 2 metrokoa barandarekin, Led argiekin argituta.

9 udal-ordenantza berri onartu ditu Amasa-Villabonako Udalak27

AMASA-VILLABONA 2019-02-13

Maite Izagirrek gidatutako gobernu taldeak, lege baten herri mailako baliokidea kontsideratu daitezkeen eta xedapen orokorraren administrazio orokorreko antolamendua bezala ulertzen diren, 9 udal-ordenantza eta araudi onartu ditu legealdi honetan. Aurreko legealdian 7 onartu zituen.

EH Bilduren alkategaia den Beatriz Unzue aurkezteko ekitaldia, ostiralean29

AMASA-VILLABONA 2019-02-12

Bertan izango da Juan Karlos Izagirre Gipuzkoako Ahaldun Nagusia izateko EH Bilduren hautagaia. Unzuek eta berak solasaldia edukiko dute EH Bilduk dituen egitasmo eta proposamenak azaltzeko. Aljibean izango da, 19:00etan.

Gonzalez eta Carretero garaile Emakumeen Pala Txapelketan33

AMASA-VILLABONA 2019-02-10

Arratsalde osoan zehar ospatu zen atzo Emakumeen III. Pala Txapelketa Azkarra. Guztira 16 pilotarik hartu dute parte, eta irabazleak Amaia Gonzalez eta Laura Carretero izan ziren Aitziber Etxabe eta Edurne Osaren aurka (16-9).

[Argazkiak]

Hondakinak biltzeko edukiontzi berriak ipintzen hasi dira17620

AMASA-VILLABONA 2019-02-08

Papera eta kartoiaren (urdina), plastikoaren (horia) eta errefusaren (grisa) edukiontzi berriak ari da ipintzen udala, Tolosaldeko Mankomunitatearekin elkarlanean. Edukiontzi marroia eta grisa pedal sistemarekin irekiko dira, "Kolorez kolore" sentsibilizazio kanpainan jasotako herritarren iritziak kontutan hartuta.

Korrika Batzordea osatzeko deialdia otsailaren 13an, Villabonan44

AMASA-VILLABONA 2019-02-07

Batzordearen bitartez ondorengo gaiak jorratuko dituzte: Korrika laguntzaileen kanpaina, kilometroen salmenta eta banaketa, Korrika kulturaleko ekintzak antolatzea, Korrika txikia eta apirilaren 13ko egitaraua, besteak beste. Bilera otsailaren 13an ospatuko da udaleko balioanitzeko gelan, 19:00etan.

Hobekuntzak egingo dira Olaederra kiroldegiko frontoian eta Arratzaingo aldageletan47

AMASA-VILLABONA 2019-02-06

Osatuz programaren barruan bi hobekuntza egingo dira hurrengo asteetan. Batetik, Olaederra kiroldegiko frontoiko hormak margotuko dira, hezetasuna eta pintadak garbitu ondoren. Bestetik, Arratzain futbol zelaiko aldagelak berrituko dira.

Amasa-Villabonako kaleak kantuz girotuko dituzte60

AMASA-VILLABONA 2019-02-04

Trikitixa eta panderoarekin aterako dira kantari Villabonan Eresargi abesbatzako kideak. Bertsolariren bat ere izango da tartean. Kultur Etxetik abiatuko dira 19:00etan, eta herrian barrena ibiliko dira kantuan, giroa alaitzen.

Santa Ageda Villabonan Eresargi abesbatzarekin batera51

AMASA-VILLABONA 2019-02-04

Villabonako Eresarki abesbatzako kideak herritarrekin batera zaharren egoitzatik hasi eta dendaz denda kantari aritu dira Unai Mendizabal bertsolariaren laguntzarekin.

[Argazkiak] [Bideoa]

Angel Ugarte kirolari handia zendu da70

AMASA-VILLABONA 2019-02-02

Billabonatarrak ibilbide luze eta oparoa egin zuen kirol profesionalean, zesta puntarekin mundu osoan barrena ibiliz. 2012an “Jai Alai Blues” filmerako Errebote plaza inguruetan egon zen, haren pasarteak eskainiz.

Ibilbidea:

Amasa eta Villabona herri gisa bateratu zirela 400 urte beteko dira urrian79

AMASA-VILLABONA 2019-01-30

"2 herri, helburu 1" lelopean egitarau zabala aurkeztu du Amasa-Villabonako Udalak. Musika, dantza, argazkilaritza, kirola, erakusketak... hamaika ekimen egongo dira urte guztian zehar. Helburua kultura balorean jartzea eta komunitatearekiko partaidetza sustatzea da.

Egitaraua:

Hiru desfibriladore berri erosi ditu Amasa-Villabonako Udalak85

AMASA-VILLABONA 2019-01-28

Arratzaingo hezkuntza zentroan, Billabona futbol taldearen kirol instalakuntzatan eta udaltzainaren autoan jarriko dira desfibriladoreak. Azken horrekin, erreanimazio ekipo mugikorra lortuko da. OSATUZ programaren barnean erosi dira, eta Olaederra kiroldegian jada ezarrita dagoenaren osagarriak dira.