Gazteen gurasoei zuzendutako hitzaldia10

ANDOAIN 2017-11-24

Gazteen artean ematen den alkohol eta droga kontsumoa guraso batzuen kezka iturri bihurtu da, eta prebentzioa areagotzeko beharra agertu dute. Eskaera horri erantzunez, Andoaingo Gazte Lokalak “Heziketa lana eta menpekotasuna” izeneko hitzaldi sorta antolatu du hilabete honetan. Hurrengoa datorren azaroaren 29an izango da, DBH eta Batxillerreko ikasleen gurasoei zuzenduta, Bastero kulturgunean arratsaldeko 18:30ean hasita. 

Musikalean, ikasle gazteen saioa8

ANDOAIN 2017-11-24

Andoaingo Udal Musika Eskolako ikasleek Musikalean izeneko ekimenari heldu zioten atzokoan. Instrumentuak entsegu geletatik hartu eta kalera irten ziren; Santa Xexili ospatu nahi izan zuten era horretan. Juanita Alkain plazan, Kale Nagusian eta Bastero plazan musika emanaldiak eskaini zituzten. Bastero plazan Katrin Iturraldek zuzentzen duen abesbatza txikiarekin batera jardun zuten.

[Argazkiak]

Ur hoditeria berritzeko lanak herrigunean 4

ANDOAIN 2017-11-24

Astearte arratsaldean Andoaingo Udalak herri bilera deitu zuen Bastero kulturgunean, 2018ko urtarrilean hasita herrigunean egingo dituzten azpiegitura lanen berri emateko. Trafikoari eta oinezkoen pasabideari dagokionez, Kale Nagusia eta inguruak herriaren erdigunean daude eta horrelako lan batek hainbat eragozpen sortuko ditu. Lanen azalpenak emateko eta zalantzak argitzeko, herritarren aurrean agertu ziren.

Euskararen Eguna, ekitaldiz beterik dator1

ANDOAIN 2017-11-24

Andoaingo Udal ordezkari politiko guztiek, Udal Euskara zerbitzuko teknikariek eta gizarte eragileek abenduaren 3ko Euskararen Eguna ospatzeko antolatu dituzten ekitaldiak aurkeztu dituzte Udaletxean egin duten agerraldian. Besteak beste, Ahotsak proiekturako testigantza eman duten 70 andoaindarrei esker oneko ekitaldia burutuko da Basteron

Harrera ona hornidurei buruzko hitzaldiak12

ANDOAIN 2017-11-23

Pasa den asteartean izan zen etxeko hornidurei buruzko hitzaldia Urigainen, eta herritar ugari bertaratu ziren beren zalantzak argitzera. Etxeko argindarraren fakturak ere eraman zituzten kontratazioaren inguruko xehetasun gehiago lortzeko asmoz.

[Argazkiak]

Kale Nagusiko lanen aurkezpena21

ANDOAIN 2017-11-22

Bart arratsaldean, Basteron, Kale Nagusiko hoditeria berritzeko bilera deitu zuen Udalak. 2018ko urtarrilean hasiko dira, eta lan osoa hiru fasetan burutu nahi dute. Denera, lau hilabeteko lanaldia izango da eta aurrekontua milioi bat eurokoa. Trafikoan, ur kontsumoan zer nolako eragin izango duen izan ziren bertaratutakoen galdera nagusiak.

Emanaldi berezia udaletxean19

ANDOAIN 2017-11-22

Andoaingo Udal musika eskolako irakasleek emanaldi sorpresa eskaini dute udaletxean, Santa Zezilia egunarekin bat eginez.

[Bideoa]

Kontzientzia eta konpromisoa, maskulinitate berriaren gakoak17

ANDOAIN 2017-11-22

“Eta gizonak zer? Maskulinitate berrietatik, indarkeria matxistari aurre egin”. izenburua zeraman hitzaldia eskaini zuen On:Giz elkarteko kide den Mikel Otxotorena soziologoak joan den astelehenean Basteron; Andoaingo Udaleko berdintasun teknikari Sandra Barrenetxeak egin zituen aurkezpen lanak.

Xexili eguna giro onean16

ANDOAIN 2017-11-22

Udaletxetik ekin diote kalejirari txistulariek arratsaldeko seietan. Musikaren erritmoan, Kale Nagusian barrena sartu dira abesbatzarekin elkartu arte. Ondoren, denek elkarrekin hainbat kantu abestu dituzte, herritarrak ere kantatzera animatuz.

[Argazkiak]     [Bideoa]

Olazabalen bidea saria Osasun Pastoraltzarentzat26

ANDOAIN 2017-11-20

Osasun Pastoraltza izeneko taldea herriko boluntarioz osatzen da, eta hogeita bost urte darama Andoaingo zahar egoitzan bizi diren aitona-amonekin eskuzabal jokatzen. Egunero-egunero, denbora hartzen dute zahar egoitzara joan eta bertakoei bisita egiteko, haiekin berriketan jarduteko edo kalera irten eta pasiatzeko.

Hitzaldia Kontsumo bulegoaren eskutik31

ANDOAIN 2017-11-18

Etxearen alorreko hornidurei buruzko hitzaldia antolatu du Kontsumitzaileen Informaziorako Udal Bulegoak (KIUB) azaroaren 21ean, Urigain Etxean arratsaldeko 18:00etan.

Musika eskaintza zabala, datozen egunetan35

ANDOAIN 2017-11-17

Musikaz bizi!! programa aurkeztu zuten atzo, Andoaingo udaleko Esti Mujika Kultura zinegotziak eta herriko hainbat musika eragilek. Azaroaren 17an hasita, musika ardatz duten hainbat ekimen eskainiko dira musikazaleen gozagarri; kanpotik datozen ikuskizunak eta bertako musikariek bultzatutako kontzertuek osatuko dute Santa Zezilia zikloa.     

Matrikula zabaltzear da Galardi Udal haurreskolan47

ANDOAIN 2017-11-16

0 eta 2 urte bitarteko haurren heziketaz arduratzen da Andoaingo Galardi Udal Haur Eskola. Urtarriletik aurrera hasiko diren haurrentzat matrikula zabalik dago azaroaren 27tik abenduaren 7ra bitarte, beti ere plaza libreak egonda. Izena Bastero Kulturguneko bulegoan eman behar da.
 

Transexualitatea, naturaltasunetik begiratuta45

ANDOAIN 2017-11-16

Gaztetxoentzako lau proposamen berri egin ditu Elkar argitaletxeko Xaguxar bildumak. Garazi Kamio andoaindarraren ‘Akats bat lehenengo lerroan’ liburua da horietako bat.

Zuzendaritza berria dauka Euskalduna mendigoizale taldeak43

ANDOAIN 2017-11-16

Nerea Bueno, Arantxa Urola, Fernando Otamendi, Aritz Barrado eta Willy Alcala dira hurrengo bi urtetan Euskalduna zuzenduko duten pertsonak. Alcala presidentea izango da.