ANDOAIN 2018-10-08 09:39

Bertso Saioa Buru Osasunaren Nazioarteko Eguna dela eta

Agifesek, buru osasun arazoa duten pertsonen eta senideen Gipuzkoako elkarteak, bertso saioa antolatu du Andoainen urtero urriaren 10an ospatzen den Buru Osasunaren Nazioarteko Egunaren harira.  

Bertso Saioa Buru Osasunaren Nazioarteko Eguna dela eta

Nazioarteko ospakizunaren hurrengo egunean izango da, Buru Osasunaren Aldeko II. Bertso Saioa,  urriaren 11n, 20:00etan, Andoaingo Bastero Kulturgunean.

Sarreraren prezioa  7 eurokoa izango da eta etekin guztiak buruko osasun arazoak dituzten pertsonei laguntzeko izango dira. Kutxabankeko kutxazainetan eta Agifeseko egoitzan erosi ahal izango dira sarrerak, goizez eta arratsaldez astelehenetik ostegunera, eta goizez soilik ostiraletan.

Berdingabea zara‘ sentsibilizazio kanpainaren barne antolatutako ekimenaren helburua da buruko osasun arazoen inguruko informazioa eta kolektiboarenganako gertutasuna bultzatzea. Saioak goi mailako lau bertsolariren parte-hartzea izango du:  Sustrai Colina, Alaia Martin, Amets Arzallus, Jon Maia eta Aitor Mendiluze. Unai Elizasu izango da gai-jartzailea.

Iruzkina Idatzi

Captcha image