Eleuterio Tapia, bera zen festa

ASTEASU 2018-12-04

Eleuterio Tapia trikitilariaren inguruko liburua aurkeztu berri du Euskal Herriko Trikitixa Elkarteak. Joxean Agirrek bildu ditu Asteasuko trikitilariaren bizipenak.
Soinu-jotzaile aparta, kirolari bikaina, hizlari trebea, jendatekoa…, Eleuterio bera zen festa. Hala dio Euskal Herriko Trikitixa Elkarteak aurkeztu berri duen liburuaren izenburuak. Joxean Agirrek idatzi du trikitilari asteasuarraren biografia, hainbat eta hainbat pertsonen testigantzak jaso ondoren.

Eleuterio Tapiaren inguruko liburua aurkeztuko dute

ASTEASU 2018-11-26

Larunbat honetan Euskal Herriko Trikitixa Elkarteak eta Asteasuko Udalak aurkeztuko dugu Asteasuko Udaletxean Eleuterio bera zen festa liburua. Eleuterio Tapia trikitilariaren biografia jasotzen duen liburua da, eta Joxean Agirrek idatzi du. Liburuak Eleuterioren hainbat grabazio jasotzen dituen CDa ere badu. Eguerdiko 12:00etan egingo dute aurkezpen ekitaldia, udaletxean:

Kultura Anitzen Jaialdia, arrakastatsu

ASTEASU 2018-10-29

Herrialde ezberdinetako jakiak dastatzeko aukera izan zen atzo Asteasun Kultura Anitzen Jaialdian. Kanpoko herrialdeetatik Asteasura bizitzera etorri diren herritarrek prestatu zituzten jakiak, eta jende ugari hurbildu zen jakiak probatzera eta solasean aritzera. Musika talde bat ere jardun zen giroa alaitzen.

[Argazkiak]

Euskaraldiaren amaiera eta Euskararen Eguna ospatuz

ASTEASU 2018-12-02

Euskaraldiaren amaiera eta Euskararen eguna ospatzeko ekitaldiak antolatu dituzte Asteasuarrek gaur eta bihar. Gaur Euskararen txantxangorrien margoketa, hamaiketakoa eta herriko musikari zein bertsolarien emanaldia izan dituzte besteak beste.

[Argazkiak] [Bideoa]

Azaroaren 25aren harira, ekitaldi sorta Asteasun

ASTEASU 2018-11-22

Emakumeenganako  indarkeriaren aurkako nazioarteko eguna da azaroaren 25a. Egun horren harira, ekitaldi ezberdinak antolatu dituzten Asteasun. Gaur,  azaroak 22, 'Solo mia' filma eskainiko dute, 19:00etan udaletxean. Azaroaren 25ean, igandez, 12:30ean kontzentrazioa egingo dute kultur etxe aurrean. Denon artean emakumeen aurkako indarkeriaren kontrako sarea osatuko dute, zuzeneko musika eta abestien laguntzaz. Ondoren, gaztain erreak izango dira.

 

Eneko Lazkoz, Pello Errota sariketako txapeldun

ASTEASU 2018-10-23

Eneko Lazkozek irabazi du I. Pello Errota sariketako finala. Beñat Lizaso, Unai Gaztelumendi eta Asier Azpirozekin batera iritsi zen Lazkoz finalera. Urriaren 20an, Asteasuko Iturri-ondo elkartean afaldu ondoren hasi zen finaleko saioa. Lizasok eta Lazkozek lortu zuten buruz burukorako sailkatzea eta azkenik, etxarriarrak lortu zuen txapela. Finaleko bertsorik onenari emandako Mikaela Elizegi saria ere Lazkozentzat izan zen.

Argazkiak