ESKUALDEA 2018-10-30 12:57

Azkue Fundazioaren Banden Lehia finalera iritsi da

Hamalau taldek eman dute izena aurtengoan, eta lau finalistak dagoeneko aukeratu dituzte. Epaimahaiak hiru talde hautatu ditu: Dekot, Zizel, Nau. Ikusleak aukeratu du laugarrena: Belatz. Euskal musika sustatzea helburu duen lehiaketa da Banden Lehia.

Azkue Fundazioaren Banden Lehia finalera iritsi da

[Babestutako edukia]

Musika talde amateurrik onena saritzen du, tokiko taldeak ezagutzera emanez eta, bide batez, euskal musika sarean ere zabalduz.

Hamargarren edizio honetan aniztasuna izan dela nagusi adierazi dute antolatzaileek, bai jatorri aldetik eta bai musika estilo aldetik ere. Lehenengoari erreparatuz, Hego Euskal Herriko taldeez gain, aurten ere, iparraldeko talde batek eman du izena. Eta estiloari erreparatuz, askotarikoa izan da aurkeztutako taldeek jotzen duten musika estiloa: rocka, folka, industriala, metala, alternative punka, popa, countrya…

Finala azaroaren 17an, Bilborocken

Banden Lehia 2018ko finala azaroaren 17an izango Bilborocken, 17:30ean hasita. Aukeratutako lau taldeek zuzeneko kontzertuak eskainiko dituzte, eta bukaeran irabazlearen berri emango dute.

Taldeek publikoaren laguntza behar izango dute, berriro ere, beraien aldeko botoak eskuratzeko. Era berean, epaimahaikideak ere han izango dira kontzertuak bertatik bertara jarraitzen.

Finala publikora zabalik izango da, eta lau talde finalistaz gain Haxotz, Larregi, Zazkel, Aneguria eta Ze esatek! taldeek kontzertua eskainiko dute, doan.

Iruzkina Idatzi

Captcha image