Bastero kulturgunean, arratsaldeko 17:30ean 3 eta 5 urte arteko haurrei ipuinak kontatu dizkie Maialen Zubeldiak. Ondoren, 18:00etan, 6 eta 8 urteko haurren txanda izan da.

Andoainen, bi bidelari prest ditugu astero euskara praktikatzeko, Mintzalagun egitasmoan. Horretarako, bidelaguna (euskaldun zaharra) behar dugu talde horretan. Astearte edo ostegunetan dute posible, 18:00etatik 19:00etara.
Inor animatuko balitz, deitu Andoaingo AEK euskaltegira (943591704) edo idatzi andoain@aek.eus helbidera.
Animatu eta eman izena!

Urte berriarekin batera, hasi dira berriro Bidaideko ekintzak martxan. Hurrengoa gainean dugu, urtarrilaren 18an izango da, Bastero kulturgunean. Bertan, Maialen Zubeldia ariko da ipuinak kontatzen etxeko txikiei. Ez galdu aukera eta parte hartu!

Andoaingo mintzalagunek prest dute 2018ko agenda berria. Lehen ekintza urtarrilaren 27an izango da. Goiza pasa atsegina izango dute Urmara museora egingo duten irteerari esker. Bertan hamaiketakoa egiteko aukera ere izango dute, bisita gidatua egin ondoren.

Animatu eta parte hartu!

Atzo Mintzalaguna egitasmoko kideok errege-opila egiten ikasi genuen Peña Santa Krutz elkartean antolatutako tailerrean.