URNIETA 2018-07-02 10:36

Euskara ikasteko diru-laguntzak eskainiko ditu Urnietako Udalak

Euskarako ikastaroetan matrikulatzeko eta Euskarako eta Helduen Heziketa Iraunkorreko ikastaroetara joateko diru-laguntzak dira. Eskaera epea uztailaren 30 arte egongo da zabalik, eta eskaera orriak bulegoan bertan entregatu behar dira.

Euskara ikasteko diru-laguntzak eskainiko ditu Urnietako Udalak

2017ko irailaren 1etik 2018ko uztailaren 31ra euskaltegi homologatu batean euskara ikasten edo hobetzen diharduten urnietarrei zuzendutako eskaintzak dira.

Betekizunak:

  • Matrikula euskaltegiak ezarritako epearen barruan ordaintzea.
  • Urnietan erroldatuta egotea, gutxienez sei hilabetez jarraian, diruz laguntzea eskatzen den ikastaroa amaitzen den datarako.
  • Euskarazko ikastaroan gutxienez %80ko asistentzia egiaztatzea.
  • Asistentzian egindako huts egiteak zuritzeko gaixotasun agiriak bakarrik onartuko dira.
  • Aprobetxamendu ona izatea.

Aurkeztu beharreko dokumentazioa:

  • Eskaera orria
  • Eskatzailearen NANaren fotokopia.
  • Beste diru-laguntzaren bat eskatu balu, horri buruzko aitorpena.
  • Euskaltegiaren ziurtagiria, ikasleak izandako asistentzia, aprobetxamendua, ordaindutako matrikula eta abarrak jasoko dituena.
  • Langabetuentzako diru-laguntza jasotzeko baldintza ikastaroaren matrikula egiten denetik diru laguntzaren eskaera egin bitartean, momenturen batean langabezian egotea da, eta Bizitza Laboralaren txostena aurkeztu beharko da.

Ikasleek jasoko duten diru-laguntza matrikularen %80a izango da gehienez langabetuentzako, eta %50a gehienez lanean ari direnentzako. Diruz laguntzeko gehienezko matrikularen kopurua 500 euro izango da urte eta ikasleko. Barnetegiko ikastaroetan egoitza gastuak ez dira izango diru laguntza-gai.
 

Euskarako eta HHI-Helduen Heziketa Iraunkorreko ikastaroetara joateko diru-laguntzak

2017ko irailaren 1etik 2018ko uztailaren 31ra ikastera Buruntzaldeako beste herri batera joan behar duten ikasle urnietarrentzako diru-laguntzak dira; Urnietan talderik ez dagoenez, kanpora joate horrek eragiten dien gastua arintzeko.

Betekizunak:

  • Urnietan erroldatuta egotea.
  • Urnietan eskaintzen ez den maila eta ordutegi bateko ikasle izatea.
  • Andoaingo, Astigarragako, Hernaniko, Lasarte-Oriako edo Usurbilgo euskaltegi bateko edo EPA-Helduen Heziketa Iraunkorreko zentro bateko ikasle izatea.
  • EPA-Helduen Heziketa Iraunkorreko zentroko ikasleen kasuan, OHO titulua lortzeko ikasle izatea.
  • Langabetuen kasuan OHOko tituluaz gain, Buruntzaldeko HHI zentro batek eskaintzen duen beste edozein ikastarotan izena eman dezake, baina ikasturte amaieran %80ko asistentzia egiaztatu behar du bidaietako diru-laguntza jaso ahal izateko. Kasu horretan, diru-laguntza eskaerarekin batera zentroak sinatutako ziurtagiria eta Langabetu txartela aurkeztu beharko dira.

Aurkeztu beharreko dokumentazioa:

  • Eskaera orria.
  • Eskatzailearen NANaren fotokopia.
  • Homologatutako zentroaren edo HHI zentroaren ziurtagiria, asistentzia, taldea eta matrikulatze-data ziurtatuz.

ESKAERA ORRIA eta ARAUTEGIA Udalaren webgunean lortu daitezke.

Iruzkina Idatzi

Captcha image