Zimiterioaren albo batean, sua piztu zuen guraso talde batek. Beldurrak erretzeko baliatu zuten su hori eskolako ikasleek. Papertxo batean beldur horiek idatzi, eta sutan erre zituzten. Ikasle guztiek izan zuten hori egiteko aukera, taldeka banatuta. Zaharrenek, euren mozorroekin hartu zituzten guztiak zimiterioan.
Festa polita izan zen Adunakoa, usadio zaharrak ezagutu eta berreskuratzen hasteko baliagarria. Gaztaina erreak janez amaitu zuten ospakizuna.