Korrika txikia egingo dute Pello Errota eskolako ikasleek. 14:45 Ikasleak eskolatik aterako dira, ibilbidean zehar kokatzeko. 15:30 Suziri batek iragarriko du Korrika txikiaren hasiera. Kale Nagusian barrena jaitsiko dira eskolako kideak, lekukoa eskuan hartuta. Udaletxe aurrean amaituko da Korrika txikia. Gari Otamendik irakurriko du lekukoaren barruko mezua. Korrikaren aurtengo abestiarekin dantza eginez amaituko dute ekitaldia ikasleek eta ondoren, elkarrekin meriendatuko dute.
15:30etan Zizurkil goiko kruzean (Gasor lantegi parean) hasita, Zizurkilgo Zubimusu zubira iritsiko da lasterketa Zizurkilgo ikastetxe guztietako partaideek eta Ulliazpiko kideek eskuz esku elkarri lekukoa pasaz. Ondoren, Korrikako irudiaren mosaikoa osatuko da parte hartzaile guztiekin Joxe Arregi plazan eta elkarrekin meriendatuz emango zaio amaiera.
19:00etan hasiko da bilera Amasa-Villabonako Udaleko osoko bilkuren aretoan. Bestetik, buruhandi berrian azken pertsonaia nor izango den erabakiko da.
Opera pantailan denboraldiari hasiera emango zaio "Aida" ikuskizunarekin. Sydneyko badian antzezten den obra da. 20:00etan izango da, Gurea Zineman. Sarrerak: aldez aurretik 7 euro (Amasa kafetegian eta Basajaun liburu-dendan) / egunean bertan 10 euro.
‘Oporretan euskaraz’ ekimenean izena emateko epea zabalik da. 2003 eta 2011 urte artean jaiotako haurrei zuzendutako ekimena da Oporretan Euskaraz. Ekaineran 24tik uztailaren 17ra, goizeko 9:30etatik 13:30etara bilduko dira haurrak begiraleekin. Izena ematea zabalik maiatzaren 29ra bitarte. Informazio gehiago: 943 692 495.
Lehiaketak Urnietako sei leku esanguratsuren argazkiak atera eta osatutako bilduma aurkeztuko da lehiaketara.
Aiztondo Zerbitzuen Mankomunitateak udaleku irekiak antolatuko ditu, ekainaren 26tik uztailaren 19ra. Udaleku horietan begirale lanak egiteko deialdia zabalik izango da apirilaren 1etik 17ra. Bete beharreko baldintzak, jarraian:
Antia literatur lehiaketan parte hartzeko azken eguna. Haur, gazte eta helduen mailako lehiaketa da. Sari potoloak banatuko dituzte. Oinarriak Urnieta.eus gunean ikusgai daude. Lanen aurkezpena: Lekaio.
Apirilaren 10ean jarriko da berriro martxan Pausoka, adinak ez du inporta ekimena, Zizurkilgo Elizpe jubilatu elkarteak eta Zizurkilgo Udalak elkarlanean antolatua. Asteasuko bidegorrian barrena ibilaldia egingo dute jubilatuek, goizeko 10:30ean Elizpe jubilatu elkartetik bertatik abiatuta.
Aduna, Alkiza eta Larraulgo udaleku irekietan parte hartzeko izen-ematea zabalik egongo da apirilaren 10etik maiatzaren 10era. Ludoteka zerbitzua ere antolatuko dute 3 eta 6 urte arteko txikientzat.