Ostirala, maiatzak 10

10:00

Xenpelar Dokumentazio Jardunaldiak 2019

Xenpelar Dokumentazio Jardunaldien baitan, 'Bilaketa bakarra erabileentzat: datu guztiak klik batean' gaia landuko da. Mikel Aizpuru eta Francisca Pulgar (Eusko Jaurlaritza), Elena Roseras (Artium), Marie-Andree Ouret (Baionako Mediateka) eta Aitor Maritxalar (Informatika garatzaile espezializatua) arituko dira hizlari. Maiatzak 10, ostirala. 10:00-14:00, Subijana etxea.Izen-ematea: Maiatzaren 8an amaituko da. xenpelar@bertsozale.eus

18:00

Kronoigoera kirol astean

18:00 Kronoigoera. Sariak parte-hartzaile guztientzat. 19:00 Monoziklo tailerra.  

18:00

Onddo Gazte Asanbladaren 22. urteurrena

18:00 Txupinazoa. Ondoren, zirku alternatiboa eta afaria.

19:00

Poema musikatuak

Pianoan Maria Urroz, bibolinarekin Oihana Artola eta narratzailea Garazi Otegi.

19:00

Mendi Tour Urnietan

Bilbao Mendi Film Festival mendia, abentura eta natura uztartzen dituen zinema jaialdia da, eta aurten ere festival horretako onena Urnietara ekartzea lortu da Zanpatuz mendi elkartearen laguntzarekin. Maiatzaren 10ean Saroben lau proiekzio ikusteko aukera izango da 19:00etatik aurrera. Proiekzioak jatorrizko hizkuntzan emango dira, baina azpitituluak izango dituzte. Sarrera doakoa izango da. Wallmapu: 2018ko BMFF-eko Sail Ofiziala (6 min; V.O. - mapuche SUBT. - es/eu). JR Ripper: 2018ko BMFF-eko Sail Ofiziala (20 min; V.O. - en/ne SUBT. - es). Liv Along the Way: 2018ko BMFF-eko Sail Ofiziala (23 min; V.O. - en SUBT. - es/eu). Everest Green: 2018ko BMFF-eko Mendiko Film Onena (53 min; V.O. - en/fr SUBT. – es).

19:00

Mugarik gabeko abenturak

Mikel Sarasola kayakista eta abenturazalearen hitzaldia eta bideo emanaldia kultur aretoan, 19:00etan.

22:30

Txikiren '40 urte eta aldapan behera niek' umorezko bakarrizketa saioa

40 URTE ETA ALDAPAN BEHERA NIEK! 40 urteak beteta badituzu eta bizitzako aro berri batean sartu zarela oraindik onartu ez baduzu, AniMIAU! hurrengo testa erantzutera: Parrandan irten eta bigarren tabernan eserita al zaude? Ez al dituzu parrandako abestiak ezagutzen? Su ta Gar entzuteari utzi eta Erramun Martikorena aitzera pasa al zara? Tabernetara ordez kafetegira joatea nahiago al duzu?? Kañak edan ordez, tea edaten hasi al zara? Jaietako gazte bazkarian zaharra sentitzen al zara? Dagoeneko txikitako kontuak behin eta berriz errepikatzen al dizkiezu? Etxean telebistari mintzatzen hasi al zara? Oteiza baino marmartiagoa bihurtu al zara? Eta lo egiteko pijama jartzen al duzu? Jakin, 10etik 5 baiezko erantzunez gero santa sekulan pentsatuko ez zenuen 40 urteko pertsona heldu bihurtu zarela bere kalapita guztiekin. Horrelako bizipenak eta beste hainbat gehiago entzun nahi badituzu, TXIKIrekin batera algara festan parte hartzeko gonbidapena hemen duzu.

14:00

Oporretan euskaraz ekimenerako izen-ematea

  ‘Oporretan euskaraz’ ekimenean izena emateko epea zabalik da. 2003 eta 2011 urte artean jaiotako haurrei zuzendutako ekimena da Oporretan Euskaraz. Ekaineran 24tik uztailaren 17ra, goizeko 9:30etatik 13:30etara bilduko dira haurrak begiraleekin. Izena ematea zabalik maiatzaren 29ra bitarte. Informazio gehiago: 943 692 495.

12:00

14:00

Argazki lehiaketa

Lehiaketak Urnietako sei leku esanguratsuren argazkiak atera eta osatutako bilduma aurkeztuko da lehiaketara.  

10:30

13:00

Pausoka, adinak ez du inporta

Apirilaren 10ean jarriko da berriro martxan Pausoka, adinak ez du inporta ekimena, Zizurkilgo Elizpe jubilatu elkarteak eta Zizurkilgo Udalak elkarlanean antolatua. Asteasuko bidegorrian barrena ibilaldia egingo dute jubilatuek, goizeko 10:30ean Elizpe jubilatu elkartetik bertatik abiatuta.

14:00

19:00

Udaleku irekietan izena emateko epea

Aduna, Alkiza eta Larraulgo udaleku irekietan parte hartzeko izen-ematea zabalik egongo da apirilaren 10etik maiatzaren 10era. Ludoteka zerbitzua ere antolatuko dute 3 eta 6 urte arteko txikientzat.

17:00

20:00

Kirol Astea

Maiatzak 6, astelehena 17:00 Futbito txapelketaren hasiera (Umeak eta helduak) 19:30 Pilota entrenamentu irekia. Maiatzak 7, asteartea 19:45-20:45 Zunba irekia. Maiatzak 8, asteazkena 17:00 Frontenis txapelketaren hasiera (umeak eta helduak). 19:00 "Energia behar baduzu: zer han eta nola egin" tailerra, Larraulgo ostatuan. Maiatzak 9, osteguna 19:00 "Mugimendua: XXI. mendeko txertoa eta ibuprofenoa"  hitzaldia, Aitor Alberdi Kirol Teknikariarekin eta Idoia Garderekin, balio anitzeko aretoan. Maiatzak 10, ostirala 18:00 Kronoigoera. Sariak parte-hartzaile guztientzat. 19:00 Monoziklo tailerra. Maiatzak 11, larunbata 12:00 Duatloia 12:30 Umeentzako hamaiketakoa. Maiatzak 12, igandea 18:00 Futbito txapelketaren finala. (Haurrak eta helduak). 19:00 Frontenis txapelketaren finala. (Haurrak eta helduak).    

19:00

13:00

"Sahara. 40 urteko exilioa" izeneko erakusket

Andoni Lubaki argazkilari urretxuarraren erakusketako protagonistak albistegietan azaltzen ez diren pertsonak dira: minen eztandek eragindako biktimak, liberatutako lurraldeetako soldaduak, desagertutakoak, osasun arazoak dituzten pertsonak, pertsonaia historikoak, okupatutako lurraldeetan dauden aktibistak… Gureako erakusketa gelan izango da eta 19:00etan zabalduko da. Ordutegia: Astelehenetik ostiralera: 17:30-20:00. Larunbatetan: 10:00-13:00.