"Heriotza eta dolua, gertutasuna" izenburupean, hitzaldia eskainiko dute Patxi Izagirrek eta Ana Izagirrek. Gai ezberdinak jorratuko dituzte saioan zehar: Haurrak heriotzaren aurrean, agurraren garrantzia, mina eta emozioa integratzea, helduok heriotza bizitzeko dugun modua, etab. Psikologo klinikoa eta doluan espezializatua da Patxi Izagirre; musika aditua eta psikologia ikaslea berriz, Ana Izagirre.
Emakume zirkulua.Emakume zirkulua emakume topaketa bat da, eta bere esentzia bertakoemakume bakoitzarekin osatzen da, ez da ezer finkoa, estatikoa, baizik eta elkarrenpresentziaren baitan sorturiko mugimendu energetikoa.Emakume zirkulua espazio intimo eta sakratua da, errespetuz eta maitasunez eraikia.Norbera den bezala azaldu eta garen bezala onartzen gaituen espazioa.
Urriaren 4an hasita, azaroaren 8ra bitarte astean behin elkartuko dira. Ordutegia: 18:30-20:30. Irakaslea: Kris Lizarraga. Tokia: Urigain. Hizkuntza: Gaztelania. Informazioa: Urigain
Xake eskolak, 11 urtetik gorakoentzat.Ostiraletan, 19:30-20:30.Prezioa: 25 euro, hiru hilabete. Izen-ematea: Urriaren 4an, 19:15ean. Kultur etxean edo 677 195 037
Zizurkilgo eskulan ikastaroko ikasleen erakusketa inauguratuko da gaur, iluntzeko 19:30ean, Plazida Otaño liburutegiko erakusketa-gunean. Hainbat estilotako margolanez osatutako erakusketa da, olioak, grabatuak eta beste hainbat teknika uztartzen dituena. Urriaren 15era bitartean ikusi ahal izango da, liburutegia zabalik dagoen ordutegian; hau da, astelehenetik ostiralera 10:00etatik 13:00etara bitartean eta 16:00etatik 20:00etara bitartean, eta larunbatetan 9:30etik 13:30era bitartean.
Ikasturte berria hastearekin batera, Andoaingo Caritas elkarteak 6 eta 12 urte bitarteko neska-mutilentzat errefortzu eta laguntza gelak abian jartzeko asmoa dauka. Aste honetan bertan bilera egin dute, parte hartu nahi duten bolondresekin. Ekimenarekin bat egin nahi duenak badu oraindik izena emateko aukera.