0-2 urte bitarteko haurrei eta beren hezitzaileei edota familiei zuzendutako saioa. Irakasleak Lourdes Gorostegi eta Idoia Barandiaran dira.
Pentsiodunak eta jubilatuak, emakumeak... kolektibo ezberdinek bat egin dute Euskal Herriko Karta Sozialarekin. "Lan, pentsio, bizitza duina" izenburupean greba orokorrerako deialdia egin dute, datorren urtarrilaren 30erako. Hitzordu nagusia girotze aldera, astearte arratsalderako elkarretaratzea deitu dute Goikoplazan. 18:00tan elkartuko dira, besteak beste, atxikimendua adieraziko duten talde argazkia ateratzeko.
Xabier Etxeberria Duintasuna jubilatu eta pentsiodunen elkarteko kidea da. Andoaingo asteleheneroko bilkuren deitzaileetakoa izateaz gain, animatzaile nagusia da. Gitarra eskuan, elkarretaratzea girotzeko ahalegina egiten du.
Danimarka eta Islandian bizi diren bi gazte. Aitorrek, zenbait bertsolarirekin elkarlanean, irudien interpretazio irekien inguruan hausnartzen du Argazkia kartzela proiektuan. Bestalde, Mak I Miss The Days Chasing Lights erakusketarekin dator, Islandiako paisaia eta itsasargiek iradokitutako gogoeta emozional bat eginez poesia zein argazkiak erabiliz.
Irailean udalean ordezkaritza duten alderdi politiko guztiei aurkeztu genien Ipar Haizeatik idatzi dugun dokumentua, Andoaingo hondakinen kudeaketa eta gaikako bilketa hobetzen segitzeko asmoz.