Parte Hartuz 2020 ekimenaren barruan, proposamenak aurkezteko epea egongo da otsailaren 2ra arte. Informazio karpak jarriko dituzten urtarrilaren 24an eta 25ean. Larunbatean 10:00etatik 14:30tara kiroldegi kanpoaldean.
'Bizi dantza' du izena Pirritx, Porrotx eta Marimotots pailazoen ikuskizun berriak. Urtarrilaren 25ean etorriko dira Andoaingo Bastero Kulturgunera eta bi saio eskainiko dituzte: 16:00etan eta 18:30ean. Sarrerak 4 euroko kostua du, eta Kutxabank bitartez edo leihatilan erosi daitezke.
Denda Berriren batzar orokorra egingo da larunbatean arratsaldeko 17:30etan.
Datorren urtarrilaren 25ean, arratsaldeko sei eta erdietan hasita, Larramendi eguna antolatuko dute herriko hainbat elkarte eta eragilek, euskalari eta euskaltzale andoaindarrari egin nahi zaion gorazarre eta omenaldi gisa.
Juan Mari Beltranek, Ander Barrenetxeak eta Errege Beldak 'Euskal Herri musika eta soinu-tresnak' kontzertu didaktikoa eskainiko dute. Euskal Herriko zenbait eskualdetako ospakizun publiko nahiz familiarretan erabiliak izan diren soinu-tresnak eta musikak entzun ahal izango dira. eta soin Sarrera doakoa da.
Irekiera bereziagoa egitearren urtarrilaren 25erako bertso afaria antolatu dute Mizpiradi sagardotegikoek.
Irailean udalean ordezkaritza duten alderdi politiko guztiei aurkeztu genien Ipar Haizeatik idatzi dugun dokumentua, Andoaingo hondakinen kudeaketa eta gaikako bilketa hobetzen segitzeko asmoz.
Urtarrilaren 31ra arte luzatuko den janari bilketa Tolosaldea Sahararekin elkarteak antolatzen du. Herri mailan, Fleming herri eskolak, Zubimusu ikastolak, Oria merkatarien elkarteak eta Amasa-Villabonako Udalak egin dute bat ekimenarekin.
Modelismoa Estatikoko Gipuzkoako Elkarteak erakusketa berezia antolatu du asteburu honetarako Zizurkilen, Udalarekin elkarlanean. Atxulondo kultur etxeko areto nagusian pieza ezberdinak jarriko dituzte ikusgai eta lanak nola sortzen dituzten ere erakutsiko dute. Larunbatean egun osoan zehar ikusi ahal izango dira lanak, 10:00etatik 14:00etara eta 16:00etatik 20:00etara, eta igandean goizez, 10:00etatik 14:00etara.
Larunbatean, erakusketa zabalduko dute motxila ibiltariak emandako fruituekin. Transmisioa landu dute oraingoan. Beraz, bertan izango dira ikusgai, otsailaren 8ra bitarte, gure txikiei etxean erakutsitako abesti, jolas, errezeta eta bestelakoak. Etxeetako ondarea ezagutu nahi izanez gero, gerturatu liburutegira, larunbata goizean, 11:00tatik aurrera.
Altuera ertaineko gizon bizarduna bilatzen ari dira bideo bateko protagonista izateko. Texturik gabekoa izango da. Ez da ordainduko. Grabaketak urtarrilaren 25, 27 eta 29 egunetan izango dira. Informazio gehiagorako jarri kontaktuan moraguesmarcandreu@escivi.com edo 610 479 689 telefonora.