Argentinan hasi eta Seguran amaituko da, maiatzean. Bitartean, Euskal Herrian barrena dabil. Adunara iritsi bitarte, andoaindarrek ere zerikusia izan dute egitasmoan.
1995ean Joseba Sarrionandiak euskal literaturan mugarri izan zen poema liburua argitaratu zuen: ‘Hnuy illa nyha majah yahoo’. Liburu hartatik aukeratutako poemetan oinarritzen da Hnuy illa ikuskizuna. Bere 25. urteurrena aprobetxatuz, Kukai Dantzak, Tanttaka konpainiarekin elkarlanean, liburua eta ikuskizuna berreskuratzeko lana egin du.