Dantzaz konpainiak 'Basoa' izeneko ikuskizuna eskainiko du Villabonako Errebote plazan. Ikuskizuna irailaren 20an izango da, 13:00etan. Sarrera doakoa da.
Azalpena
Basoa. Estalkia. Gordelekua. Magiaz betetako lekua edo beldurgarria. Historiako momentu tragiko jakin bat ezkutatu eta ahaztu nahi duen basoa. Errefuxiatuen kanpalekua, kontzentrazio esparrua... Gurs, hausnarketa eragiten duen abiapuntua. Guden eta pobreziaren ondorioz beren lurraldea uztera behartuta dauden milaka pertsona errefuxiaturen erakusleiho. Gurs, iraganaren eta orainaldiaren zubia.