Pasa den larunbatean, (abenduak 7) Soinuak musika eskolako Mikel Etxegia, Garazi Ezama eta Koldo Gonzalez akordeoi ikasleak Arrasateko Akordeoi Jaialdian parte hartu zuten. Ganbara musika lehen mailan urrezko domina eskuratu zuten "The bare necessities" kanta interpretatzen.
Mikel Etxegia Vaquerok "A" mailan zilarrezko domina lortu zuen bakarlari gisara; "Old Mrs. Monika", "Haurtxo polita" eta "Indiana Jones" kantak jo zituen.
Abenduaren 20an Soinuak musika eskolako ikasleek kontzertua eskainiko dute Bastero Kulturgunean. Akordeoia, gitarra eta panderoa joko dute. Eskolako txikienak ere bertan egonen dira.