Andoaingo eta Urnietako taldeek Euskal Ligako igoera fasea jokatu zuten asteburuan Andoaingo Allurralde kiroldegian. Hiru partida jokatu zituzten, Pulpo, Leizaran, Urnieta eta Loiola Indautxu taldeen artean. Azkenean, Pulpo eta Leizaran taldeak igo dira Euskal Ligara.
Partidak ostiralean, larunbatean eta igandean jokatu zituzten, eta bi taldeek maila handia erakutsi zuten lehenengo bi partidetan. Urnietarren eta Andoaindarren kasuan, azken partidan jokatu zuten Euskal Ligan parte hartzeko azken postua. Andoaindarrak fin aritu ziren defentsan eta erasoan. Bestalde urnietarrek arazoak izan zituzten hasieratik Andoaingo taldeari aurka egiteko, 27-43ko markagailuarekin amaitu zen partida.
Esanak esan, bi taldeek denboraldi bikaina egin dute, eta emaitzak asteroko sailkapenean ikusi dira. Orain bi taldeak datozen partidei begira jarri beharko dira.