Auzoz auzoko bilera errondan, Etxeberrietako auzotar batek eskerrak eman dizkio Udalari bertan zegoen konpost-gunea kentzeagatik. Auzotar asko erabakiarekin pozik daudela gaineratu du. Izagirre alkate-ordeak eskerrak eman dizkio, eta hartutako erabakiaren berri eman du. “Segurtasuna lehenetsi dugu. Bertako erabiltzaileekin kontrastatu dugu, eta ez da eragozpenik izan. Etxeberrietako gune horretan haur asko ibiltzen da eta segurtasun arazo bilakatzen ari zen”. Erantsi duenez, konpost-gunea kentzerakan arratoi ugari topatu dituzte. Etxeberrietakoaz gain, Sorabillako gunea kendu dutela adierazi du. Aurrerantzean, konposta egin nahi duenak Ondarretan egiteko aukera izango du.
Gaiarekin jarraituz, Lainez alkateak erabakia hartzeko arrazoi asko daudela adierazi du; “Arratoiak, usaina, konpost-gunearen egoera, bertara edozein sartzeko erraztasun guztiak zeuden gainera”.
Aurreko egunetan Ipar Haizea plataformak eta Eguzki talde ekologistak Udalak hartutako erabakiarekin desadostasuna agertu dute:
Etxeberrietako auzo-konposta desagertu da, erabiltzaileei inolako jakinarazpenik egin gabe. Bizilagun eta herritarrek martxan jarri genuen 2014ko maiatzan Andoainen organikoa biltzen ez zen unean. Arduraz jokatu genuen eta egungo "arduradunek" kendu dute @AndoaingoUdala ??@Aiurri pic.twitter.com/GkrtV7BMCS
— Ipar Haizea (@haizea_ipar) February 17, 2020
Ez balitz nahikoa 2019 osoan 5. edukiontziak baino hobari txikiagoa izan eta hortaz erabiltzaileek lan gehiago eginda, gehiago ordaintzea inork ez zituelako informatu, orain egun batetik bestera gunea desagertu da.
— Eguzki Andoain (@EguzkiAndoain) February 18, 2020
Norbaitek badu zerbait esateko?@AndoaingoUdala ?@Aiurri https://t.co/SdicruXbjj
Gaur, Andoain Elkarlanean bilera errondaren baitan, alkateak eta alkate-ordeak azalpenak eman dituzte.