Udaren atarian, herrigunea egoera berrira egokitzeko garaia dela uste du oposizioko lehen alderdiak: “Herritarrontzat espazio ireki, eroso eta seguruak behar ditugu. Eta norabide horretan udalari proposamen bat egin dezan eskatu nahi diogu. EHBilduk proposamen zehatz bat egiten dio udal gobernuari: Miranda pasealekuko zonalde berdea herritarron erabilpenerako bermatzea”.
Gunea egokitzea behar beharrezkoa da, proposamena aurrera atera dadin: “Une honetan, txakurrak modu askean ibiltzeko gune bezala funtzionatzen du. Eta bertan etzan, edo jolasean ibili nahi duenak badaki zer nolako arriskuak dituen. Horregatik, udal gobernuari eskatzen diogu:
- Zonalde horren antolaketa egin dezala, eta dagoen espazio guztia kontutan izanik erabilera ezberdinak bermatzeko modua jarri dezala, espazio nagusia herritarrok aisiaz gozatzeko espazio bezala erabiliz.
- Egun dauden txakur kakak garbitzea eta belarra modu egokian moztuta mantentzea.
- Egunero zaintza berezia egin eta pixkanaka herritarrak erabiltzen hastea bere aisialdiko gune bezala (jolasa, eguzkia hartzeko, ariketa fisikoa, irakurketa, herreman sozialak…)”.