Halaber, sostengua eta laguntza adierazi diete “Osakidetzako pertsonalari, etxez etxeko laguntzaileei, Erresidentzietako langileei, eta pertsonei atenditzen erabateko sostengua eta laguntza eskaini dutenei, kasu askotan gainera beren bizitza arriskuan jarriz babes bitartekorik ez edukitzeagatik”.
Osasun publikoa bermatuko duen sistemaren aldeko aldarria egin dute beste behin bildutakoek. “Covid-19k eragindako krisi honetan nabarmen gelditu da urgentziazko gauza dela Osakidetzako zerbitzu publikoa, Dependentziazko arreta eta Etxez Etxeko zerbitzuak egokitu eta sendotu beharra dagoela. Eta ezin ezin dugu onartu murrizketak aplikatuz segitzea edota enpresa pribatietan uztea zerbitzu horiek, helduen eskubideen kaltetan mozkin handiagoak lortu nahi izatea delako. Azpimarratu nahi dugu ondorio hain tragikoen parte bat osasun eta dependentziaren sisteman aplikatutako murrizketak direla”.
Hurrengo astelehenerako hitzordua jarri dute, azkenik.