Axeri Dantzaren jokoak herriko plazetara eraman dituzte

Berezi-berezia izan da Axeri Dantza aurtengoan, tradiziozko ekitaldia San Juan egunean. Dantzariak Andoaingo hiru tokietan (Agustin Leitza eta Etxeberrietako plazetan eta Ondarretako plazatxoan) banatu dira, eta Axeri dantzak berarekin dituen zenbait dantza bakarrik dantzatu dituzte, segurtasun neurriak direla medio. Nolanahi ere, kalera eraman dute Axeri Dantzaren ohitura zaharra, eta saio polita eskaini die hiru tokietara bertaratu diren ikusle bakanei.