Bide batez, San Martin elizako Iñaki Zabbaleta erretoreari eskerrak eman nahi dizkiote, jarri dituen erraztasunagatik.
Kontzertu berezi-berezia, hunkigarria, prestatuta zeukan Bandak. Hain zuzen, azken aldian Joxe Mari Oiartzabalek eta Joxe Ramon Berrondok sortutako sei pieza estreinatzekoak zituzten. Era berean, musika emanaldia, koronabirusak eragin dituen hildakoak gogoratzeko baliatu nahi zuten, eta bereziki, oraindik orain gure artetik joan den Luxio Aranburu Bandako klarinete-jolea.
Iaz Bandak Santa Krutz elizan Santa Zezilia egunarekin batera eskaini zuen kontzertuan hirui abesti estreinatu zituen: Baltzuketa (Leitzotz bailarako baserriko familiari eskainia), Bonbardino hotsak (bandako hiru musikariei eskainia) eta Leizaran Euskal Fantasia. Lehen biak, sortu berriak, estrainekoz entzun ahal izan ziren Santa Krutzeko kontzertuan.
