Pilotu andoaindarrak denboraldiko lehen garaipena lortu du Moto4 mailan, euripean egindako lasterketan. Borroka handia izan zuten Fernandezek eta Lorenzo Guyauk lasterketa osoan zehar, azken hau azken bihurgunean lurrera joan zen arte. IgaxTeam taldeko pilotuek Alex Longarelak eta Pedro Alomarrek podiuma osatu dute, hurrenez hurren.
Julen Corrochano andoaindarrak eta taldeko kideak adierazi duenez, "talde osoak lan handia egin du, nahiz eta xehetasun batzuk hobetzeke ditugun. Beñatek euripean asko entrenatu du eta lasterketan aurrera egiteko ezinbestekoa izan dela ikusi da. Izugarria izan da".
