Frankismoak Andoainen erail zituen herrikideen alde ekitaldia antolatu ohi du Oroituz elkarteak. Iaz, erabateko konfinamenduan, bertan behera geratu zen. Aurtengoan ekitaldia antolatu nahi dute, Osasun Sailak ezarritako neurri guztiak betearaziz. Txalaparta, dantza eta bertsoa izango dira aurtengo ekitaldiaren osagaiak. Aurrekoak baina xumeagoa bada ere, ekitaldia antolatzen jarraitu nahi dute. Larunbatekoa aurrera eramatea, beti ere, eguraldiaren araberakoa izango da. "Goiztirian" eskultura parean izango da ekitaldia, eguerdiko 12:00tan hasita.