Lau euskal artista piktorikoen artelanak ikusgai egongo dira Basteron, bihartik aurrera. Gonzalo Etxebarria (Bilbo, 1954), Patxi Laskarai (Lekunberri, Nafarroa Behera, 1967), Oaia Peruarena (Bera, 1972) eta, Iker Valle (Andoain, 1976) dira horiek. Etxebarriaren espresionismoa, Peruarenaren abstrakzioa, Laskarairen Iratiko basoko argazki ilunak eta Valleren naturaren margolan interpretatiboak eta brontzezko eskulturak biltzen dira Espazio Kuttunak izenburuko erakusketan. Nahiz eta bakoitzak bere ekarpen plastiko oso modu pertsonalean garatu, beraien lanetan naturaren presentzia (itsasoa, mendia, basoa) azaleratzen da ugari; argi eta ilunaren arteko elkarrizketak ikusi daitezke horietan.