Udalerria eta Otieta lotzeko autobus zerbitzu berezia etenik gabe ibiliko da arratsaldeko 17:00etatik 18:00etara. Ibilbidean geldialdiak egingo ditu Kaleberrian eta Zumea plazan. Azken bidaia Otietatik irtengo da, iluntzeko 20:30ean.
Txitxu Ruiz Kultura zinegotziaren ahotan, jaialdia "erronka logistikoa izango da herritarrak bertara oinez, bizikletaz edo Hiribusean hurbilduko baitira”.
Ingurua errespetatzeko deia
Udalak bertaratzeko asmoa dutenei toallak edo esterillak eramateko aholkua luzatu die, lurzoruaren hezetasunetik babesteko. Halaber, gogorarazten da ezin izango dela txakurrik edo maskotarik eraman ekitaldiaren eremura.