Dirudienez, eskaera ezberdinek eragin dute bilera hori. Udalak honakoa adierazi du, gaur arratsaldean zabaldu duen oharrean: “Uztailaren amaieran, Gipuzkoako Foru Aldundiko Bide Azpiegituretako Departamentuak A-15 eta N-1 errepideen arteko lotura hobetzeko eta N-1 errepidetik Sorabillako A-15era sartzeko alternatiben azterketa aurkeztu zuen. Aurkezpen horren ondorioz, herritar eta elkarte askok adierazi dizkigute beren kezkak”.
Bilera datorren irailaren 29an izango da Basteroko ekitaldi-aretoan, arratsaldeko 18:00tan hasita. Pertsona eta elkarte guztiek “beren kezkak eta/edo proposamenak” helarazi ahal izango dutela iragarri dute.
Bileran parte hartzeko bi bide daude: Emaila (alkatetza@andoain.eus) eta telefonoa (943 300 830 / 315 luzapena).
Ordezkaritza zabala lortu nahi dute
Udalak, azkenik, ahalik eta zabalena egiteko eskaera egin dute: “Kontuan hartuta planteatutako trazadurak udalerriko hainbat eremuri eragiten diela, eta horien guztien bertaratzea bermatu ahal izateko, horietako bakoitzaren ordezkaritza bat bertaratzea gomendatzen dugu”.