Aldundiaren egitasmoa Andoainentzat eta andoaindarrentzat oso kaltegarria dela eta ez dituela arazoak konponduko uste dute; 2011n Andoaingo Plan Orokorrean onartu zen proiektua, Urumeako saihesbidea amaitzea eta hori A-15rekin lotzea alegia, horixe dela irtenbiderik egokiena gaineratu dute. Herritar talde honek proposatzen duen irtenbidea -planoa erantsirik- etxeko buzoietan banatuko du, hurrengo egunetan.