Elkarretaratzearen amaieran, ekimenaren bozeramaile lanak egin ditu Andoni Etxezarreta andoaindarrak. Puntuz puntu hauexek aldarrikapenak:
- Bazkardoko A15 eta N1 errepideetako bidegurutzean ematen den trafiko pilaketari irtenbide bat ematearekin batera trafikoak eragiten duen zarata eta kutsadura arazoak konpondu behar dira.
- Indarrean dauden 2011ko Andoaingo Hirigintza Plan Orokorrean eta 2016ko Donostialdeko Lurraldeko Zatikako planean Gipuzkoako Foru Aldundiak landutako "Andoaingo Saihesbide" egitasmoa txertatu zen.
- Egun, Gipuzkoako Foru Aldundiak eta Bidegik Bazkardoko trafiko arazoari irtenbide bat emateko lantzen ari diren egitasmoak alde batera utzi du herrigunetik kanpo onartutako saihesbidea, eta egungo errepidearen zatikako moldaketetara mugatzen da.
- Jasaten dugun Europa mailako trafiko arazoari behin-behineko irtenbidea eman diezaiokeen alternatiba lantzen ari dira, baina proposamen horrekin zarata eta kutsadura ez da herrigunetik aterako eta Udalak onartutako Plan Orokorraren garapena guztiz baldintzatuko da.
- Hemendik eskatzen diegu Udala, Aldundia eta Eusko Jaurlaritzari behin-behineko soluzio partziala alde batera utzi eta 2011-2016an onartutako dokumentuetan jasotzen den "Andoaingo Saihesbidea" egitasmoarekin jarrai dezatela.
- Eta saihesbide egitasmoa gauzatzen den bitartean pantaila akustikoak jar daitezela Buruntza, Bazkardo, Mimendi, Karrika eta Sorabilla auzoetan.