Jesusen Alaben Kongregazioa bere 150. urteurrena ospatzen ari da aurten, eta ekitaldi berezia egin zuten Berrozpen atzo. Kongregazioko kideek, Iñaki Zabaleta Andoaingo parrokoak eta udal ordezkariek hitza hartzeaz gain Katrin Iturraldek zuzentzen duen Musika Eskolako helduen abesbatzak emanaldia eskaini zuen. Besteak beste, 1946an Karmen Aspiazu mojak sortu zuen “Berrozpe” abestia interpretatu zuten.