El Salvadorreko Segundo Montes komunitatearen aldeko kros solidarioa egin zuten Asteasun urteko azken astean. Eguraldi politarekin egin zuten lasterketa. Haurrek eman zioten hasiera ekimenari, 500 metroko ibilbideari itzuli bat eginez. Ondoren iritsi zen gaztetxo eta helduen txanda. Lourdes Colomo eta Iñaki Sarasua izan ziren garaile helduen mailan. Ondoren, saski ederrak zozketatu zituzten.
Endika Jimenez eta Enea Garmendia izan ziren garaile gaztetxoenen artean, Peru Muxika izan zen azkarrena alebinetan. Beñat Fernandez eta Ahetze Olano gailendu ziren infantil mailan; Axel Arrikarte eta Maialen Alkain kadeteetan. Jubenil mailako korrikalarien artean, parean iritsi ziren Maddi Urkola eta Elene Zeberio eta garaipena lortu zuen Inhar Herrerok.
Giro polita sortu zen goizean zehar.