Talde ezberdinetan banatuta, altxorraren bila ibili dira parte-hartzaileak, herri osoan barrena. Pozik ibili dira guztiak, pista ezberdinei jarraituz. Udaletxeko arkupean zuten jolasaren amaiera eta bertan egin dute merienda. Goizean zehar herriko taberna eta dendatan bildutako askari osasungarria prestatu dute Mattin Gizarte Abentura ekimeneko parte-hartzaileek, eta horixe eskaini diete altxorraren bila aritu diren lagunei. Arratsalde-pasa polita egin dute Asteasun, behar dutenei emateko elikagaiak bilduz, gainera.