Datorren apirilaren 12an Aberri Eguna ospatuko da. Ez ohikoa izango da, konfinamendu egoeran bizi garelako. Bihar, aberrieguna2020.eus webgunean eskegiko duten bideoan, herritar talde batek “Aberri Eguna 2020 – Euskal Herria batera” manifestua irakurriko du. Bertatik dei egingo zaie herritar guztiei, egoera berezi honetara egokitutako ekintza zehatz batzuk egin ditzaten.
“Bihar, apirilak 5, igandearekin, 12:30etan, gure webgunean ikusgai ezarriko dugun bideo baten bitartez, bederatzi herritarrek jakinaraziko dituzte Aberri Eguna 2020rako ekintza zehatzak. Aldarrikapenak eta doluminak, biek izanen dute tartea 2020ko Aberri Egunean”.