Udalak hauteskundeen prestaketaz arduratzen ari dira egun hauetan, eta Urnietako Udalak dagoeneko hautesleku bilakatuko den Udal pilotalekuaren irudiak zabaldu ditu. Koronabirusaren eraginez, oso baldintza berezietan egingo da bozketa. Bozkatzera doazenek neurri zehatzak bete beharko dituzte eta hauteslekuan bertan ahalik eta tarterik txikiena egoteko gomendioa jaso dute.
Azken egunetan herri ezberdinetan bandoak zabaldu dituzte, herritarrari informazio zehatzena emateko asmoz. Urnietako Udalak aholku zerrenda zabaldu du portalez portal, eta Andoaingo Udalak portal bakoitzeko bizilagunei nora joan behar duten bozkatzera zehaztu die bando bidez. Izan ere, Andoainen bi tokira mugatu da bozketa: Allurralde kiroldegira eta Arrate pilotalekura.
2020 uzt 09 Eskualdea
2020 uzt 09 Eskualdea
