Euskal gizartea orokorrean heldutasunez jokatzen ari den arren, konfinamendu gogor bat igaro eta gero normaltasun berria posible dela pentsatzeak itsutu gaituela uste du Murga Sailburuak. Birusa hortxe jarraitzen duela eta kutsagarria dela gogorarazi du: "Gizarte harremanetan ezberdin jokatu behar dugu, pertsonen arteko harreman fisikorik ez da izan behar. Kontzientzia hori bizirik izan behar dugu, eta ahal den heinean hedatu. Izan ere pertsona bakoitza irtenbidearen parte da. Gure jokabidearekin, distantzia mantenduz eta eskuko garbitasuna eta maskararen erabilera areagotuz".
Martxokoarekin alderaketa egin badu ere, "oraingo honetan desiratutako oreka mantendu behar dugu. Ahalik eta jarduera handiena izan behar dugu, baina kutsatu berrien kopurua egonkortuz". Herraminta eraginkorrenak distantzia soziala eta maskara direla berretsi du.
