IRAILAK 18, OSTIRALA
Amasa-Villabona
- Seve Iglesias margolariaren azken margolanen erakusketaren irekiera. Gureako erakusgelan, 18:30ean.
Zizurkil
- Bat-bateko bertso saioa
Iraila kulturalaren baitan antolatu du jai batzordeak bertso saioa Zizurkilen. Bertsolariak: Amaia Agirre, Oihana Iguaran, Unai Mendizabal eta Haritz Mujika. Gai-jartzailea: Igotz Alkorta.
Oharrak: Sarrera doakoa da, baina gonbidapenekin. Gonbidapenak Udal bulegoetan jaso behar dira betiko ordutegian. Pertsona bakoitzak gehienez ere lau gonbidapen jaso ditzake ekitaldi bakoitzeko. Ekitaldia hasi baino 15 minutu lehenago agertu behar da sarrera ziurtatzeko. Gonbidapenean 71 zenbakitik gora dutenek, eguraldi onarekin soilik erabili ahalko dituzte sarrerak. Joxe Arregi plazan, 19:30ean.
Urnieta
- Almanaka
“Almanaka” izena du Egape dantza taldearen ikuskizun berrienak, eta lagin modukoa ikusteko aukera izango da San Juan plazan. San Juan plazan, 20:00etan.
Andoain
- Anariren kontzertua
Anari musika taldeak 'Epilogo bat' diskoko kantuak eskainiko ditu. 80 minutuko iraupena edukiko du. Sarrera doakoa da, eta gonbidapen gutxi batzuk geratzen dira. Bastero Kulturguneko leihatila emanaldia hasi baino bi ordu lehenago irekiko da. Ondarreta ikastetxeko patioan, 22:00etan.
IRAILAK 19, LARUNBATA
Urnieta
- Mulisko gainera irteera
Dolmenak, cromlechak, zilegimendiak, saroiak, zuhaitz lepatuak, leku-izenak... Mulisko gaineko multzo megalitikoa bisitatzeko aukera, Gipuzkoako Parketxe Sarea Fundazioak antolatuta. Besabitik abiatuta, 10:00etan.
Zizurkil
- Halterofilia txapelketa
Sailkapen fase ofiziala. Gonbidapenak Udal bulegoetan eskuragarri. Intxaur pilotalekuan, egun guztian zehar.
- Bingo musikatua
Gazteentzako eta helduentzako bingo musikatua antolatu du Zizurkilgo festa batzordeak. Eserlekuak arduradunek finkatuko dituzte izen-ematearen arabera. Kuadrilla bakoitzeko gehienez hamar lagunek eman ahalko dute izena. Saio bakarra jokatuko da. Joxe Arregi plazan, 19:30ean.
IRAILAK 20, IGANDEA
Amasa-Villabona
- Basoa dantza ikuskizuna
'Dantzaz konpainiak 'Basoa' izeneko ikuskizuna eskainiko du. Sarrera doakoa da, eta ez da gonbidapenik behar. Koreografia: Josu Mujika. Musika: Iñaki Salvador. Testua: Xabier Sukia. Erreboteko plazan, 13:00etan.
- La mudanza antzezlana
Perigallo Teatroaren eskutik, 'La mudanza' antzezlana ikusteko aukera izango da gaztelaniaz. Aktoreak: Celia Nadal eta Javier Manzanera. Zuzendaria: João Mota.
Sarrera: 8 euro aldez aurretik Amasa kafetegian edo Basajaun liburu-dendan, eta 10 euro leihatilan. Gurea antzokian, 19:30ean
Andoain
- 'Babo Royal' ikuskizuna haurrentzat
Ganso & Cia konpainiak 'Babo Royal´ ikuskizuna eskainiko du lau urtetik gorako haurrentzat. Sarrera doakoa da, eta gonbidapena jasotzeko Bastero Kulturguneko leihatila emanaldia hasi baino bi ordu lehenago irekiko da.
Sinopsia: 50m2-ko inperioa, burutik jota dagoen erregea eta trobalari bitxia. Lurralde txiki honetan xelebrekeria da jaun eta jabe. Tronpetak entzun eta banderak astintzen dira. Ospakizuna has dadila! Fisikoki edo sinbolikoki, guztiok gonbidatuta gaude desfile, borroka edota torneoan parte hartzera. Erregeak nahi duen oro fantasia bihurtu beharko da. BABO ROYAL jolasa da, non hierarkiak trukatzen diren, non egunerokotasunak harritzen duen, non normaltasuna eta zentzutasuna debekatuta dauden. Ondarreta ikastetxeko patioan, 18:30ean.
Zizurkil
- 'Ikusi arte' herriko artisten emanaldia
Herriko zenbait artista elkartu eta herriarentzako 'Ikusi arte' emanaldia sortu dute. Hodei Arrastoa da zuzendaria eta aldamenean edukiko ditu Maria Altuna, Zigor Lampre - Dz, Unai Mendizabal eta Janire San Sebastian.
Sarrera doakoa da, baina gonbidapenak behar dira. Agortuta daude dagoeneko. Elbarrenako elizan, 20:15ean.