BAGATOZ BUELTAN!

Erabiltzailearen aurpegia
Andoaingo Mintzalaguna programan izena emateko epea irekita dago. Ezohiko egoeran egonik ere, euskaraz modu libre eta askean aritzeko aukera eskaini nahi du egitasmoak, eta prebentzio neurriak hartu eta segurtasuna bermatuko da une oro. Aurtengo berrikuntza gisa, mintzapraktika ONLINE egiteko aukera izango da urria amaieratik aurrera.

Kanpainako leloak dioen moduan, euskara praktikatzeko eta lagun berriak egiteko aparteko aukera da. Aurtengoa 10. edizioa da eta egoera inoizko arraroena izan arren,urtero bezala gogotsu hasi dira.

Mintzalagun taldeak astean ordu batez batzen dira mintzapraktika egiteko, eta parte hartzaileek batzeko tokia eta ordutegia aukeratzen dute. Horretaz gain, urtean zehar ekintza osagarriak antolatzen dira aisialdiari begira: irteerak, hitzaldiak, kultura jarduerak...

 

Dena den, ezin da ahaztu oraindik ere oso egoera berezian gaudela. Hori dela eta, berbalagun taldeetan eta ekitaldi guztietan beharrezko prebentzio neurri guztiak aintzat hartuko dira. Horren haritik, eta aurrez aurreko eskaintzari osagarri moduan, martxoan abiatu zen eskaintzari jarraipena emango zaio, esaterako, urriaren amaieran mintzapraktika ONLINE taldeetan parte hartzeko aukera egongo da.

 

Herriko euskararen erabileran eragiteko konpromiso irmoa dute Andoaingo Udalak eta Andoaingo AEK euskaltegiak, eta beraz, mintzapraktika programak horretan eragin nahi du, Andoain euskaldunago eta biziagoa egiten.

Izenaeman edo informazioa

Aurrez aurre, Andoaingo AEK euskaltegietan edoudaletxeko euskara zerbitzuan; whatsapp zein telefono bidez, 662 132 558 telefonoan; edo andoain@aek.eus helbidean.

Parte hartzea dohainik da eta mintzalagunek hainbat abantaila eskuratuko dituzte: harpidetzetarako deskontuak, zozketak, sariak...

 

 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!