La Salle Berrozpen —eta La Salle ikastetxeetan, orokorrean—, besteak beste, ITB (Ikaskuntza Testuinguru Berria) hezkuntza-proiektuaren bidez gauzatu dute hezkuntzako eraldaketa hori.
Ekimena datorren larunbatean —urtarrilak 15— amaituko dute, 11:00etan, «Minifestu» jardunaldiarekin. Bertan, psikomotrizitatea eta sormena lantzeko tailer ezberdinak antolatuko dituzte, 2020an jaiotako haurrentzat eta horien familientzat. Tailerretan parte hartzeaz gain, ikastetxeko irakasleak, instalazioak eta hezkuntza eraldatzea xede duen metodologia zein hezkuntza bizitzeko modu berritzailea ere ezagutuko dituzte familiek.
Parte hartu nahi dutenek izena eman beharko dute, 943 590 557 telefonora deituta, www.lasalleberrozpe.eus webgunearen bidez edo mailez lsbandoain@lasalleberrozpe.eus. COVID-19aren aurka indarrean dauden prebentzio-neurri guztiak hartuko dira. Gehieneko partaide-kopurua bete arte egongo da izena emateko aukera.