Atseden eguna izango dute gaur eta indarrez ekingo diote egitarauari bihar. Arratsaldeko 16:30etan hasita, 'Bizitzaren laborategian' ipuina eskainiko du Ana Galarraga zientzialariak eta ondoren, esperimentuak egiteko aukera izango dute gaztetxoek. Haurrentzako meriendatxoaren ondoren, Eli Pagola eta Oihana Iguaranen txanda iritsiko da. 19:00etatik aurrera, 'Hika egingo al diñagu' hitzaldia eskainiko dute Kultur Etxean. Hika-poteoa egingo dute jarraian.
Igandera arte, kultur hitzordu gehiago izango dituzte Larraulen.