Azkorteko zelaietan lehenbiziko dantza saio egin zuten parte hartzaileek, Landa eta Attola trikitilari azkoitiarrekin. Ondoren, guztiak San Juan plazara jaitsi ziren, eta han bigarren dantzaldi alaitsu eta biziari heldu zioten; Euskal Herrian plazaz plaza dabilen Patxi eta Konpainia talde lapurtarrak gidatu zuen dantzaldia.
Zangoak eta gerriak nahikoa astindu ostean, parte hartzaileak eguardiko 14:30etan bazkari eder baten inguruan bildu ziren Oianume jatetxean.
Aurrera Gure Ametsa dantza elkarteak eskerrak eman nahi dizkie parte hartzaile guztiei ez ezik baita ere bi musika taldeei.