Omenaldi ekitaldia
Lasterketaren sari banaketa ekitaldia eta gero, ekitaldi sorta iragarri dute: Taldeko argazkia, bi minutuko isilunea, indarkeria matxistari loturiko arte erakusketa... Ekitaldia senideen parte hartzearekin amaituko da. Oholtzara igoko dira eta bertatik Asier anaiak sortu duen kantua eskainiko dute.
Lasterketa eguneko kamiseta
Bilduko den jendetza ikusita, antolatzaileak eguerdiko 12:00tan hasiko dira kamisetak banatzen. San Juan plazan bertan egongo dira. Lasterketako dortsalak ere orduan banatuko dituzte.
Eragina trafikoan
Jaietan egiten den bezala, ekitaldiak irauten duen bitartean San Juan plaza itxita egongo da. Herrigunetik Xoxokara igotzeko asmoa dutenek, arratsaldeko 16:00ak baino lehen egin beharko dute. Eta, bestela, Andoain aldetik igo beharko dute.
