Musikalki, Hardcore-tik haratago doan post oldarkorra lantzen zuen taldeak, zuzena eta erabatekoa. Hitzak, berriz, ingelesez abesten zituzten, modu txukunean, eta sinesgarritasun handiz. Esango nuke, bere txikitasunean gerora etorri diren talde askorentzako erreferentzia zuzen bat izan direla.
Diskografia oparoa utzi zuen taldeak: EP bat eta iraupen luzeko lau disko. Euskal Herrian ez ezik, Europa zaharrean ere izan ziren kontzertu biran, eta estatu espainolean ere makina emanaldi eskaini zituzten zirkuitu undergroundean. Aldizkari espezializatuetan kritika onak jaso izan zituen beti taldeak, batez ere zuzeneko emanaldietan lortzen zuten energia aipatuz.
2019an taldeari agur esan zioten betirako 15 urtez zarata ateratzen izan eta gero. Taldearen azken emanaldirako "Digresion" dokumentala prestatu zuten taldearen ibilerak biltzen dituen filma, non zuzeneko irudi eta elkarrizketen bidez banda baten ibilerak gertutik ikusi ahal diren.