Lourdes Iriondo Musika Eskolan zabalik dago matrikulazioa egiteko epea. Internet bidez egin beharko da izen-ematea, hori bai: "Koronabirusa dela eta bizi dugun egoeraren ondorioz, interesa dutenek online bidez gauzatu beharko dute izen ematea. Horretarako, Udalaren webgunean edo APP-an sartu, bertan topatuko duten izen emate orria bete eta lourdesiriondo@urnieta.eus helbidera emaila bidali beharko dute".
Informazio osagarria emateko telefono zenbakia eskura jarri dute: 943 00 80 33. Arretarako ordutegia honakoa izango da: Astelehenetik ostiralera, goizeko 08:00tan hasi eta eguerdiko 14:00ak arte.
Izena emateko astea igarota, hilabetearen amaieran jakinaraziko dute ikaslea onartua izan den ala ez.
Eskaintza zabala
Musika tailerra: 4, 5 eta 6 urtekoentzat saioak. Musika eta mugimenduaren bidez kantua, entzumen-heziketa, erritmoa eta musika-grafia lantzen dira. 45 minutuko 2 saio astean.
Musika hizkuntza: Partitura irakurri eta interpretatu ahal izateko beharrezko erraminta. Astean ordubeteko bi saio.
Espezialitateak: Pianoa, trikitixa, panderoa, biolina, klarinetea, saxofoia, tronpeta eta perkusioa. Ordu erdiko saio bat, astean.
Instrumentu taldeak: Instrumentua urte batez ikasi ondoren, ikasleek taldekako eskoletan parte hartzeko aukera izango dute.
Otsailean eta ekainean eskainiko diren bi kontzertuez gain, musika jarduera desberdinak egingo dira ikasturtean zehar.