Kontratuak 10 urteko iraupena izango du, luzatzeko aukerarik gabe.
Taberna alokatzeko ordaindu beharreko kantitatea
Lizitatzaileek kuota bat ordaindu beharko diote Udalari hilabetero. Diru kopuru hori 127
euro + BEZa izango da gutxienez. Kopuru hori gorantz hobetu ahal izango dute
lizitatzaileek beraien eskaintzetan. Zenbat eta altuagoa izan eskaintza orduan eta puntu
gehiago eskuratuko dira. Bestalde, lehiaketaren irabazleak bi hilabeteko errenta behartu beharko du, BEZ barne.
BERTAN zerbitzugunean aurkezu beharreko dokumentazioa
Eskatzen de dokumentazioa Bertan herritarren arretarako bulegoean aurkeztu beharko da 3 sobretan.
1. Kontratatzeko gaitasuna eta kaudimena: dokumentazio administratiboa.
2. Balio-judizio baten mendeko irizpideak: ekipamenduan eta altzarietan
inbertitzeko proiektua.
3. Eskaintza ekonomikoa: zenbateko ekonomikoa.
Hautaketa-irizpideak
Eskatzen diren baldintzak bete eta dokumentazioa guztia epe barruan aurkezten duten hautagaietatik ondorengo irizpideetan puntuazio handiena lortzen duenari esleituko zaio taberna jatetxea:
- Eskainitako errenta (90 puntu).
- Inbertsioak ekipamenduan eta altzarian (10 puntu).
Eskaintzak aurkezteko hainbat baldintza bete beharko dira.
Baldintza ekonomikoak
- Lizitatzaileek jardueraren erantzukizun zibileko aseguru bat izan beharko dute gutxienez 600.000 euroko balioarekin, edo, bestela, poliza hori kontratatzeko konpromisoa, lizitazio honen esleipendun gertatzen badira. Esleipendunak kontratatu egingo du aseguru hori, eta bere kargura izango du prestazio-aldian eta berme-epean.
- Finantza-erakunde, banku edo aurrezki-kutxa baten txostena, lizitatzailearen ekonomia- eta finantza-kaudimena egiaztatzen duena, honako hau adieraziz: "Ezagutu egiten du eta ohiko bezeroa da, eta bere betebeharrekin erantzuten du.
Teknikoak
- Azken hiru urteetan gutxienez bi urteko esperientzia izatea ostalaritzaren sektorean. Kontratista enpresaburu sortu berria denean, hau da, bost urte baino gutxiagoko antzinatasuna duenean, kaudimen teknikoa egiaztatzeko, kontratuan parte hartzen duten langile teknikoak edo enpresan integratuta dauden edo ez dauden unitate-teknikoak adieraziko dira, bereziki kalitate-kontrolaz arduratzen direnak. Azken kasu horretan, gutxienez urtebeteko esperientzia egiaztatu beharko da ostalaritzaren sektorean.
Horretaz gain, kontratuak zenbait betebehar izango ditu. Ondorengoak, besteak beste:
- Jendaurreko langileek ahozko euskararen 2. hizkuntza-eskakizuna egiaztatu beharko dute. Hizkuntza-gaitasun hori egiaztatzeko, ziurtagiriak aurkeztu beharko dira (administrazioaren, Hizkuntza Eskola Ofizialaren edo Hezkuntza Sailaren ziurtagiri normalizatuak), edo Udalak berariaz deitutako azterketak.
- Sukaldeko eta tabernako jarduerak egiten dituzten langileek elikagaiak manipulatzeko baimena izan beharko dute. Horretarako, dagozkion baimenen kopia aurkeztu beharko zaio Udalari.