Pausoka ekimena, berriz martxan

Aiurri 2019ko api. 4a, 12:30

Apirilaren 10ean jarriko da berriro martxan Pausoka, adinak ez du inporta ekimena, Zizurkilgo Elizpe jubilatu elkarteak eta Zizurkilgo Udalak elkarlanean antolatua. Asteasuko bidegorrian barrena ibilaldia egingo dute jubilatuek, goizeko 10:30ean Elizpe jubilatu elkartetik bertatik abiatuta.

3 ibilbide daude aukeran, norberaren gaitasuna kontuan hartuta:

-       Burrusti baserri pareraino

-       Martxetaundi baserriraino

-      Asteasuraino

Ondoren denak elkartuko dira, eguerdiko 12:00etan Joxe Arregi plazan, elkarrekin hamaiketakoa egiteko.

Iazko bideari jarraiki, hilean behin egingo da irteera. Izen-emateak Elizpe jubilatu elkartean egin beharko dira.

 

Gizartea Zizurkil
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!