Maite Amenabar egungo alkate ordeak eta EH Bilduko zerrendako bigarren hautagaiak azaldu duenez, “herrigunearen etorkizunerako urrats handia eman dela uste dugu, aukera berriak zabaltzen dituelako”. Datorren legealdiaren hasieran, Plazaetxeberriren erabilera herritarrekin landu nahi dutela zehaztu du, "proposamenak jasoz eta Zizurkil Goiko kultur azpiegitura eta beharren inguruko gogoeta garatuz, eta epe ertaineko bide orri bat zehaztuz”.
Etxebizitzak
Herrigunean abian diren ekimen pribatuko etxebizitzak garatu ostean, beste urrats bat egitea buruan du koalizioak. “Behin etxebizitza horiek eginda, udal etxebizitzen aukera lantzeko modua izan liteke, eta horretarako etxebizitza behar errealen azterketa egingo dugu, erabakiak hartu aurretik”.