Bukalai dantza taldeko kideen jaietako emanaldia

Elbarrenako jaietako protagonista izaten ari da aurten Bukalai dantza taldea. Haiena izan zen txupinazoa botatzeko ardura, eta urtero moduan, dantza-saio ederra eskaini dute jaietako igandean. Txikienek ireki dute emanaldia eta taldeko gazteek amaitu dute, talde bakoitzak bina dantza eskainiz. Joxe Arregi plazan jendetza bildu da dantzarien jarduna gertutik jarraitzeko.