Berria txapelketako finalak pilotari nagusi bat eduki zuen: Jabalera. Maila bereziki handia erakutsita, onenekin lehiatzeko gai dela argi utzi zuen. Goikoetxeak, berriz, Berria txapelketan debuta egin eta ibilbidea modu ezin hobean hasi zuen.
Partida urdinen nagusitasunarekin hasi zen eta, batez ere, Goikoetxearen sakeen nagusitasunekin. Hala ere, Jabaleraren erritmora joan zen lehen jokoa. Bigarren jokoa, berriz, guztiz ezberdina izan zen. Gurrutxagak eta Aiestaranek erritmoan eta jokoaren mailan koska bat egin zuten gora. Horiek horrela, set parekatua jokatu zuten lau pilotariek, eta, azkenean, gorriak gailendu ziren.
Azken joko erabakigarria Goikoetxearen akats batekin hasi zen. Aiestaranek segidan bi pasa egin zituen eta urdinek sakea hartuta jarraian egin zituzten tanto guztiak. Jabalerak lau tanto egin zituen, bata bestearen atzetik, eta 1-2tik, 1-6kora pasata. Azken-aurreko tantoa Goikoetxeak lortu zuen, saketik, eta Gurrutxagaren akats batekin amaitu zenfinala.