Udal Talde Sozialistak aurrekontuen aurka bozkatu du, aurrekontu urriak eta asmo gutxikoak direla iritzita. Ildo horretan, salatu du 252.000€-ko inbertsio erreala planteatzen dela aurrekontuetan, eta oraindik ere alde batera uzten duela Akezko edo Ihartza bezalako auzoen beharrezko hiri-eguneratzea. Lehenengoak
hiri-gabezia nabarmenak ditu.
Argi dago Bulandegiren bigarren faseko proiektua baino ez dutela ardatz, inbertsio horren erdia hartzen baitu eta udalerriaren beste behar batzuk beste
aurrekontu batzuen zain uzten baititu;, adierazi du Josean Sanchez bozeramaile sozialistak.
Gainera, Sanchezek ziurtatu duenez, EH Bilduren gobernuak berak onartzen du ez direla beraiek nahi dituzten aurrekontu zabalenak, eta sozialistok galdetzen
diogu horri: nola kudeatu dira udal baliabideak aurreko urteetan.
Joan den urte osoan Fiskalizazio bidezko Omisioa erabili ohi da udalak eskatutako lanen bat egin duten hornitzaileekin eta enpresekin hitzartutako betebeharrak
ordaintzeko, eta tresna hori, ustez, salbuespenez erabili beharko litzateke. PSE-EErentzat horrek erakusten du kudeaketa ez dela zizurkildarrek merezi duten
onena izan.
Taldetik uste dugu urteetan egiten ari garen dirulaguntzen politika berrikusi behar dugula eta lehentasunezkoak ez diren gastuak aztertu, Zizurkilek merezi duen Inbertsio Errealen kapitulua handitu ahal izateko, ondorioztatu du Sanchezek.